by J.K. Annand
When doukin in the River Nile
I met a muckle crocodile.
He flicked his tail, he blinked his ee,
Syne bared his ugsome teeth at me.
Says I, "I never saw the like.
Cleaning your teeth maun be a fyke!
What sort of besom do ye hae
To brush a set o teeth like thae?"
The crocodile said, "Nane
I never brush my teeth at aa!
A wee bird redds them up, ye see,
And saves me monie a dentist's fee."